انقرہ۔ 8 اگست (اے پی پی) ترکی دے صدر رجب طیب اردوان روسی صدر ولادی میر پیوٹن نال وختی مذاکرات دی امید دا اظہار کیتا ہے ،جیں دا مقصد روس دے نال سانجھے تعلقات اچ چنگائی گھن آونڑ ہے ۔میڈیا نال گالھ مہاڑ کریندے ہوئیں انہاں آکھیا جو انہاں دا ہک تاریخی دورہ ہوسی جیں نال ڈوہیں ملکاں وچال ڈو پاسے تعلقات دے ہک نویں دور دا آگاز تھیسی ،ترک صدر آکھیا جو ڈوہیں ملکاں رل تے خطے اچ امن تے تے سلامتی سانگے اہم کردار ادا کر سگدے ہن ۔
