اسلام آباد ۔ 2 اگست (اے پی پی) صدر مملکت ممنون حسین آکھیا جو پاکستان اتے ترکی اچ برادرانہ تعلقات مذہب ،تاریخ اتے ثقافت اتے سانجھی روایات تے مبنی ہن ،ترکی اچ 15جولائی دی ناکام بغاوت جمہوریت دی فتح اے۔اے گالھ انہاں منگل کوں ترک وزیر خارجہ میوت چاوش اولو نال ایوان صدر اچ ملاقات اچ آکھی ۔صدر مملکت وفد نال گالھ مہاڑ کریندیں ہوئیں ترکی دے رہنمائواں اتے عوام کوں مبارک باد ڈیندیں ہوئیں آکھیا جو 15جوالائی دی ناکام بغاوت جمہوریت دی فتح اے ۔انہاں آکھیا جو پاکستان او پہلا ملک اے جئیں ترکی دے صدر طیب اوردگان اتے جمہوریت نال ہمدردی دا اظہار کیتا اتے فوجی بغاوت دی بھرپور مذمت کیتی۔انہاں آکھیا جو ترک عوام جئیں جوش تے جذبے نال جمہوریت دے دفاع سانگے باہر نکلی ،ایں تے پاکستانی عوام کوں آپنڑے ترک بھراواں تے فخر اے ۔صدر مملکت اجوکی ناکام بغاوت اتے اتاترک انٹرنیشنل ایئرپورٹ تے حملے اچ قیمتی جاناں دے ضیاع تے وی افسوس کیتا۔ایں موقع تے ترک وزیر خارجہ میوت چاوش اوگلو آکھیا جو پاکستانی حکومت اتے عوام اجوکی ناکام بغاوت تے جئیں طرح ترک حکومت اتے صدر دا ساتھ ڈتے ،ایں سانگے شکر گزار ہیسے ۔انہاں آکھیا جو کشمیریاں دی حق خود ارادیت اتے نیو کلیئر سپلائر گروپ دی رکنیت گھنڑ سانگے پاکستان دی حمایت جاری رکھیسوں۔
