اسلام آباد ۔ 12 اگست (اے پی پی) صدر مملکت ممنون حسین ایں عزم کوں دہرایا ہے جو پاکستان اقوام متحدہ دی سلامتی کونسل دیاں قرارداداں دے مطابق حقِ خودارادیت دے حصول سانگے بھارتی مقبوضہ کشمیر دے لوکیں دی منصفانہ جدوجہد دی حمایت جاری رکھیسی ۔ اے گالھ انہاں جمعے کوں کو آزاد جموں و کشمیردے صدر سردار محمد یعقوب نال ایوان صدر اچ ملاقات دے دوران آکھی ۔ صدر ممنون حسین آزاد کشمیر اچ اجوکے انتخابات دے کامیاب انعقاد اتے پرامن اقتدار دی منتقلی تے اطمینان دا اظہار کیتا۔ صدر مملکت ایں امید دا اظہار کیتا جو نویں منتخب عوامی نمائندے لوکیں دی خدمت اتے انہاں دے مسلیاں دے حل دی کوشش کریسن۔ صدر آزاد کشمیر سردار محمد یعقوب صدر مملکت ممنون حسین کو ںآزاد کشمیر دی مجموعی صورتحال بارے ڈسایا اتے کشمیر دے معاملات اچ دلچسپی گھنڑ تے انہاں دا شکریہ ادا کیتا۔
