اسلام آباد ۔ 5 اگست (اے پی پی) پاکستان مسلم لیگ (ن)دی سینیٹر نجمہ حمید آکھیا ہے جو عالمی تنظیماں موجودہ حکومت دیاں دانشمندانہ اقتصادی پالیسیاں کوں خوش آئند قرارڈتا ہے۔ریڈیو پاکستان نال گالھ مہاڑ کریندے ہوئیں انھاں آکھیا جو پاکستان مسلم لیگ ن دی حکومت دیاں معاشی پالیسیاں پاروں ملکی معیشت ڈینہو ں ڈینھ چنگی تھیندی پئی ہے تے ایں گالھ دا ثبوت ہے جو پوری دنیا اچوں عالمی تنظیماں موجودہ حکومت دیاں دانشمندانہ اقتصادی پالیسیاں کوں خوش آئندہ قرار ڈتا ہے ۔پاک چین اقتصادی راہداری منصوبے دے حوالے نال انھاں آکھیا جو اے منصوبہ ترقی سانگے اہم سنگ میل ثابت تھیسی تے ایندے اچ پاکستان سمیت خطے دی قسمت بدل ویسی ۔سینیٹر نجمہ حمید آکھیا جو حزب اختلاف کوں حکومتی ایجنڈے تے چنگے انداز اچ تنقید کرنڑی کرنڑی چاہیدی ہے ۔
