لندن ۔ 31 اگست (اے پی پی) امریکا،یورپ اتے ایشیاء وچ سونے دیاں قیمتاں وچ گھٹکی دا رحجان رہیا جیندی وجہ قرضیاں تے سود دی شرح وچ ودھارے دے حوالے نال امریکی فیڈرل ریزرو دے اعلی عہدیدار ں دا بیان اتے ڈالر دی شرح تبادلہ وچ ودھارا ڈسایا گئے ۔نیویارک وچ ڈوپہر دے ویلھے سپاٹ گولڈ دیاں قیمتا0.8 فیصدگھٹ تھی تے 1312.71 ڈالر فی اونس رہیاں۔امریکی سونے دے دسمبر سانگے سودے 0.8 فیصد ڈھونڑ دے بعد 1316.5 ڈالر فی اونس رہے۔یورپی منڈیاں وچ وی سونے دیاں قیمتاں گھٹکی دا شکار رہیاں۔لندن وچ سپاٹ گولڈ دیاں قیمتاں 0.3 فیصد ڈھونڑ دے بعد1318.77 ڈالر فی اونس رہیاں۔امریکی سونے دے دسمبر سانگے سودے 6.10 ڈالر ڈھونڑ دے بعد 1321.10 ڈالر فی اونس تے رہے۔ایشیائی مارکیٹ وچ وی سونے دیاں قیمتاں گھٹ تھئیاں ۔سپاٹ گولڈ دیاںقیمتاں 0.2 فیصد گھٹ تھی تے 1320.79 ڈالر فی اونس رہیاں۔ امریکی سونے دیاں قیمتاں0.2 فیصد ڈھونڑ دے بعد 1324.80 ڈالر فی اونس رہیاں۔
