اسلام آباد ۔ 23 اگست (اے پی پی) وزیراعظم محمد نوازشریف آکھیا جو فاٹا اچ اصلاحات علاقے دی عوام دی ترقی سانگے بہوں اہم اتے نیشنل ایکشن پلان دا لازمی جزو ہن ،فاٹا دے مستقبل دا فیصلہ انہاں علاقیاں دی امنگاں دے مطابق کیتا ویسی،قبائلی عوام امن تے جنگ دے زمانہ اچ ڈھگ قربانیاں پیش کریندیں ہوئیں قومی کاز سانگے نشابر کردار نبھائے۔اے گالھیں انہاں منگل کوں وزیر اعظم ہائوس اچ فاٹا اصلاحات کمیٹی دے اجلاس نال خطاب کریندینں ہوئیں آکھی۔وزیر اعظم آکھیا جو فاٹا اچ اصلاحات دا مقصد ملک دے وڈے عرصے توں نظر انداز تھیے علاقیاں کوں مرکزی پِڑ اچ گھن آونڑ اے۔انہاںآکھیا جو فاٹا دے مستقبل دا فیصلہ انہاں علاقیاں دی عوام دی امنگاں اتے خواہشات دے مطابق کیتا ویسی۔۔ وزیراعظم دے مشیر برائے خارجہ امور اتے کمیٹی دے سربراہ سرتاج عزیز ڈسایا جو کمیٹی سارے قبائلی ایجنسیاں دا دورہ کیتا اتے کاروباری شخصیات ،قبائلی عمائدین،تعلیم یافتہ نینگراں،علماء کرام اتے سول سوسائٹی دے ارکان سمیت انہاں علاقیاں دے چنڑیے ہوئے نمائندے نال ملاقاتاں کیتیاں تانجو فاٹا دے مستقبل سانگے سفارشات کوں اخیری شکل ڈیونڑ توں پہلے انہاں دی گالھ سنڑی ونجے۔اجلاس اچ وزیر قانون زاہد حامد، گورنر خیبرپختونخوا اقبال ظفر جھگڑا، قومی سلامتی دے مشیر ناصر خان جنجوعہ، ڈی جی آئی ایس آئی لیفٹیننٹ جنرل رضوان اختر ، وزیراعظم دے سیکرٹری فواد حسن فواد اتے سیکرٹری سیفران محمد شہزاد ارباب وی ہن پئے ۔
