مکہ ۔ 30 اگست (اے پی پی) سعودی حکومت حج تے قربانی دی عید سانگے باہرلے ملکاں توں 30 لکھ توں ودھ زناور در آمد کیتے ہن ۔حکومت ولوں جتھاں باہرلے ملک توں وڈی تعداد اچ زناور منگوائے گے ہن اتھاں انہاں زناوراں دی چانچ پڑتا ل وی جاری ہے ۔زناوراں دے مرضاں دی تشخیص اتے علاج سانگے جدہ بندر گاہ تے حیواناں دے مرض دے 45ماہرین دے مشتمل ہک ٹیم ہر ویلھے زناوراں دی ڈیکھ بھال اچ مصروف ہے ۔سارے زناور جدہ بندر گاہ تے لاتے گے ہن جتھاں ویٹر نری ماہرین تے مشتمل 45رکنی ٹیم انہاں زناوراں دے طبی معائنے اچ مصروف ہے ۔ایجھے جانور جنہاں اچ مرض دی شرح 10فیصد توں ودھ پاتی ویندی ہووے انہاں کوں قربانی سانگے مسترد کر ڈتا ویندا ہے جڈاں جو 10فیصد توں گھٹ مرض دے خطے آلے زناوراں دا علاج کیتا ویندا ہے ۔
