اسلام آباد ۔ 11 اگست(اے پی پی) وزارت خارجہ ولوںقومی اسمبلی کوں ڈسایا گیا جوپاک ایران گیس پائپ لائن منصوبے سانگے عالمی پابندیاں چونڑ دے باوجود عالمی فنانسنگ فی الحال ممکن کائنی‘ ایرانی صدردے دورہ پاکستان دے موقع تے تھیونڑ آلے پنج سالہ معاشی منصوبے تے کم تھیندا پے ‘ سٹیٹ بنک تے ایرانی مرکزی بنک وچال تھیونڑ آلے معاہدے تے تھیونڑ آلی پیشرفت نال ایوان کوں کجھ ڈینھ اچ ڈساڈیسوں ۔خمیس کوں قومی اسمبلی اچ سوالاں دے وقفے دے دوران منزہ حسن دے سوال دے جواب اچ وزارت خارجہ ولوں انجینئر خرم دستگیر ڈسایا جو پاک ایران گیس پائپ لائن منصوبے تے پیش رفت جاری ہے ،ایران توں پابندیاں چاتیاں ونجنڑ دیاں گالھیں سنڑدے پیوں ۔وزارت خارجہ ایں بارے ایس آر او جاری کیتا ہے جیرھا جو حالی تئیں بنکنگ ایشو ہے ۔ عالمی فنانسنگ ایجھے منصوبیں سانگے حالی تئیں ممکن کائنی تاں جو توقع ہے جو رکاوٹاں وختی پرے تھی ویسن ۔ ایرانی صدر حسن روحانی دے دورہ پاکستان تے اہم معاہدہ پنج سالہ معاشی منصوبہ یا ایندے تے کم تھیندا پے
