اسلام آباد ۔ 11 اگست(اے پی پی) قومی اسمبلی کوں ڈسایا گیا وفاقی اردو یونیورسٹی اچ استاداں تے عملے کوں تنخواہیں ڈتیاں ویندیاں پیاں ہن تاں جو اساںغیر قانونی طور تے بھرتی تھیونڑ آلے استاداں تے عملے دا معاملہ عدالت اچ ہے ،جیں فورم تے اساکوں وضاحت سانگے سڈیا ویسی تاں اساں پیش تھی ویسوں ۔خمیس کوں قومی اسمبلی دے اجلاس اچ صاحبزادہ محمد یعقوب دے وفاقی اردو یونیورسٹی دے استاداں تے عملے دیاں تنخواہیں دی کئی مہینے توں بندش متعلق توجہ ڈیواﺅ نوٹس دا جواب ڈیندے ہوئیں وزیر مملکت انجینئر بلیغ الرحمان آکھیا جو جیرھے استاداں دیاں غیر قنونی تقرریاں تھیاں ہن یا جیرھیں کوں کڈھیا گیا ہے اے معاملہ حالی عدالت اچ ہے ،یونیورسٹی اساکوں ڈسایا ہے جو جیرھے استاد کم کریندے پئے ہن انہاں کوں جولائی 2016تئیں تنخواہیں ڈتیاں گیا ہن ۔
