قومی ٹی 20-کرکٹ کپ (اج) شروع تھیسی

اسلام آباد ۔ 25 اگست (اے پی پی) پاکستان کرکٹ بورڈ دے زیراہتمام قومی ٹی 20- کرکٹ کپ دے ڈو میچ (اج) جمعہ کوں راولپنڈی کرکٹ سٹیڈیم وچ کھیڈے ویسن۔ پہلے میچ وچ اسلام آباد دا مقابلہ پشاور نال تھیسی جڈانجو ڈوجھا میچ راولپنڈی اتے فاٹا دیاں ٹیماں وچال کھیڈیا ویسی۔ ٹورنامنٹ وچ روزانہ ڈو میچ کھیڈے ویسن اتے ٹورنامنٹ وچ اٹھ ٹیماں حصہ گھندیاں پن جنہاں وچ کراچی وائٹس اتے بلیو، لاہور وائٹس اتے بلیو، اسلام آباد، پشاور، راولپنڈی اتے فاٹا شامل ہن۔