اسلام آباد ۔ 13 اگست (اے پی پی) محکمہ موسمیات دے مطابق آندے 48گھنٹیاں اچ ملک دے بہوں سارے علاقیاں اچ موسم گرم اتے مرطوب راہسی جڈانجو راولپنڈی، گوجرانوالہ، لہور، سرگودھا، مالاکنڈ، ہزارہ، پشاور، کوہاٹ ڈویژن، فاٹا، گلگت بلتستان اتے کشمیر اچ کجھ جاہیں تے تیز ہوائیں اتے گرج چمک نال بارش دا امکان ہے۔ رپورٹ دے مطابق گزریل 24 گھنٹیاں اچ ملک دے بہوں سارے علاقیاں اچ موسم گرم اتے رُکھا ریہا۔ جڈانجو کوئٹہ، ڈی جی خان، لہور، ملتان، پشاور ڈویژن اتے گلگت بلتستان اچ کجھ جاہیں تے بارش تھئی ۔ ساریاں توں ودھ بارش بارکھان اچ 36 ملی میٹر ، ڈی جی خان20، لہور13، ملتان02، پارہ چنار 05، بنوں03 اتے بونجی اچ ہک ملی میٹر بارش ریکارڈ کیتی گئی۔
