مشیر برائے قومی سلامتی لیفٹیننٹ جنرل (ر) ناصر جنجوعہ ‘ نیشنل ایکشن پلان تے عملدرآمدسانگے بنڑی کمیٹی دا اجلاس سونوار کوں سڈ گھدا

اسلام آباد ۔ 18 اگست (اے پی پی) وزیراعظم دے مشیر برائے قومی سلامتی لیفٹیننٹ جنرل (ر) ناصر جنجوعہ ‘ نیشنل ایکشن پلان تے عملدرآمدسانگے بنڑی کمیٹی دا اجلاس سونوار کوں سڈ گھدے۔اجلاس وزیرا عظم سیکرٹریٹ اچ تھیسی۔اجلاس اچ کمیٹی دے سارے ارکان، متعلقہ وفاقی سیکرٹریز، سارے چیف سیکرٹریز، آئی جیز پولیس، ڈائریکٹر جنرل ملٹری آپریشنز، انٹیلی جنس اداریاں دے نمائندے،صوبائی سیکرٹریز داخلہ اتے بئے افسر شریک تھیسن۔سرکاری ذرائع دے مطابق اٹارنی جنرل آف پاکستان ،چیئرمین الیکٹرانک میڈیا ریگولیٹری اتھارٹی (پیمرا)اتے چیئرمین پی ٹی اے کوں اجلاس اچ شریک تھیونڑ دی دعوت ڈتی گئی اے۔کمیٹی قومی خواہشات دے مطابق مطلوبہ نتیجے دے حصول سانگے صورتحال داجائزہ گھنسی۔