اسلام آباد ۔ 25 اگست (اے پی پی) اسلام آباد راولپنڈی سمیت اتلے پنجاب، خیبر پختونخوا، مالاکنڈ ہزارہ ڈویژن،فاٹا، کشمیر تے گلگت بلتستان اچ مینھ دے بعد گرمی تے حبس اچ گھٹکی تھی ہے ملک دے بئے علاقیاں اچ موسم گرم تے رکھا رہنڑ دا امکان ہے ۔پی ٹی وی دے مطابق گزریل 24گھنٹے دے دوران اسلام آباد راولپنڈی،لاہور، گوجرانوالہ، چکوال،مالاکنڈ،ہزارہ ڈویژن تے گلگت بلتستان اچ کہیں کہیں جاہ تے کھمنڑ دے نال مینھ وسیا تے موسم خوشگوارتھی گیا ۔ساریں توں ودھ درجہ حرارت تربت اچ 43ڈگری سینٹی گریڈ ریکارڈ کیتا گیا ۔آندے 24گھنٹے دے دوران اسلام آباد راولپنڈی،سمیت لاہور سرگودھا، چکوال، جہلم،سوات ،مالا کنڈ ڈویژن، کشمیر تے گلگت بلتستان دے نیڑے علاقیں اچ کھمنڑ نال مینھ جڈاں جو ملک دے بئے علاقیاں اچ موسم تتا تے رکھا رہنڑ دا امکان ہے ۔
