اسلام آباد ۔ 21اگست (اے پی پی) نیشنل ایکشن پلان تے عمل درآمد سانگے بنڑائی گئی کمیٹی دا پہلا اجلاس اج (سنوار کوں ) وزیر اعظم سیکرٹریٹ اچ تھیسی ۔ قومی سلامتی دے مشیر لفٹیننٹ جنرل (ر)ناصر جنجوعہ اجلاس دی صدارت کریسن۔ اجلاس اچ کمیٹی دے سارے رکناں ، متعلقہ وفاقی سیکرٹریز ، سارے صوبائی چیف سیکرٹریز ،چارہے صوبیاں دے آئی جیز پولیس ، ڈائریکٹر جنرل ملٹری آپریشنز ، انٹیلی جنس اداریاں دے نمائندے اتے سارے وزرائے داخلہ سمیت اعلیٰ حکام شرکت کریسن ۔ سرکاری ذرائع دے مطابق اجلاس اچ اٹارنی جنرل آف پاکستان ، پاکستان الیکٹرانک میڈیا ریگولیٹری اتھارٹی (پیمرا) دے چیئرمین اتے پاکستان ٹیلی کمیونیکشن اتھارٹی دے چیئرمین اتے کجھ وفاقی سیکرٹریز کوںشرکت دی خصوصی دعوت ڈتی گئی ہے تانجو سلامتی بارے امور تے انہاں دی رائے گھدی ونجے ۔ اجلاس اچ موجودہ صورتحال تے قومی ایکشن پلان دی نگرانی اتے ایندے تے عملدرآمد دا جائزہ گھدا ویسی ۔ اجلا س اچ قومی ایکشن پلان تے مکمل عملدرآمد اچ تاخیر بارے وی جائزہ گھدا ویسی ۔
