کھٹمنڈو ۔ 26 اگست (اے پی پی) وسطی نیپال وچ مسافر بس دریا وچ ڈھونڑ دے نتیجے وچ 21 بندے ہلاک تھی گئے۔میڈیا رپورٹس دے مطابق بس سیاحتی قصبے پوکھرا ول ویندی پئی ہائی جو چٹوان ضلع دے تریشولی دریا وچ ونج جا ڈٹھی جیندے نتیجے وچ 21 بندے ہلاک تھی گئے۔مقامی پولیس حکام دا آکھنڑ ہے جو امدادی کارروائی کریندے ہوئیں 16 بندیاں کوں بچا گھدا گئے اتے زخمیاں کوں ہسپتال منتقل کرڈتا گئے ۔انہاں آکھیا جو وقوعے آلی جاہ تے لبنڑ دا عمل جاری ہے۔فوری طور حادثے دی وجہ سامنڑے نی آئی ،تاں جو حکام تحقیات شروع کر ڈتیاں ہن ۔واضح رہوے جو نیپال وچ گزریل ہفتے پہاڑی علاقے وچ بس دے حادثے وچ 25 بندے ہلاک تھی گئے ہن۔
