وزیراعظم محمد نوازشریف دا سارک وزراخزانہ دا اٹھویں اجلاس دے افتتاحی سیشن نال خطاب

اسلام آباد ۔ 26 اگست (اے پی پی)وزیراعظم محمد نوازشریف آکھیا جو پاکستان جنوبی ایشیادی عوام کوں غربت،نا خواندگی اتے بئی سماجی بیماریاں توں نجات ڈیونڑ سانگے سارک دے رکن ملکاں نال رل تے کم کرنڑ سانگے پر عزم اے،پاکستان جنوبی ایشیائی خطے دی اقتصادی اتے ممکنہ علاقائی ہم آہنگی دے خواب کوں عملی جامہ پواونڑ اچ کلیدی کردار نبھیندا پئے ،سارک دے پلیٹ فارم نال علاقائی ترقی تے یقین رکھیندے ہیسے،پاکستان خطے دی عوام دی امیداں کون پورا کرنڑ سانگے آپنڑاں کردار نبھیندا رہسی،او جمعہ کوں اتھاں سارک وزراء کانفرنس دے اٹھویں اجلاس دے افتتاحی سیشن نال خطاب کریندے پئے ہن ۔انہاں آکھیا جو سارک تنظیم کوں لوکاں دی توقعات دے مطابق بئیا فعال بنڑاونڑ دی لوڑھ تے زور ڈیندیں ہوئیں ایں بارے سارے رکن ملکاں ،سیکرٹیرٹ،علاقائی مرکز اتے خصوصی تنظیماں مربوط،پائیدار اتے ٹھوس کوشش کرن۔وزیر اعظم آکھیا جو پاکستان علاقائی مسئلیاں دے سارک دی سطح تے حل تے یقین رکھیندے ،ایں پاسے کیتے گئے اقدامات دی پوری حمایت کریندے ،پاکستان توانائی دے مقامی وسائل دے تبادلہ سانگے توانائی دی سلامتی کوں یقینی بنڑاونڑ سانگے علاقائی کوششاں دا حامی اے۔