وزیراعظم محمد نوازشریف دی آزاد جموں و کشمیردے نو منتخب صدر مسعود خان نال ملاقات اچ گالھ مہاڑ

اسلام آباد ۔ 26 اگست (اے پی پی)وزیراعظم محمد نوازشریف آکھیا جو پاکستان مقبوضہ کشمیر اچ جدوجہد آزادی سانگے آپنڑی اخلاقی،سفارتی اتے سیاسی حمایت جاری رکھیسی۔انہاں اے گالھ آزاد جموں تے کشمیر دے نویں بنڑنڑ آلے صدر مسعود خان نال جمعہ کوں گالھ مہاڑ کریندیں ہوئیں آکھی ۔وزیر اعظم ،مسعود خان جیڑھے جو سابق ممتاز سفارتکار ہن اتے اقوام متحدہ اچ مستقل مندوب دی حیثیت نال آپنڑے فرائض نبھا چکین ،نال گالھ مہاڑ کریندیں ہوئیں آکھیا جو او کشمیر کاز دی وکالت کریسن کیونجو او مقبوضہ کشمیر دی عوام دی آزادی دے نصب العین دی چنگی وکالت سانگے ہک وڈا پلیٹ فارم دے حامل ہن ۔وزیر اعظم،مسعود خان کوں انہاں دے چنڑائو تے مبارک باد ڈیندیں ہوئیں آکھیا جو نویں صدر آپنڑے وڈے تجربے کوں آزاد کشمیر دی عوام دی فلاح تے بہبود سانگے کم کریسن۔وزیر اعظم مسعود خان کوں مخاطب کریندیں ہوئیں آکھیا جو تساڈی موجودہ آئینی ذمہ واریاں،تساڈے پیشہ وارانہ کیریئر وچال انجام ڈتے ونجنڑ آلے فرائض توں کتھائیں ودھ کے ہن ۔وزیر اعظم آکھیا جو اساں سمجھدے ہیسے جو صدر آزاد کشمیر دا عہدہ راجہ فاروق حیدر دی قیادت اچ منتخب حکومت کوں صحت تے تعلیم دے اہم شعبیاں اچ اصلاحات متعارف کراونڑ اچ معاون ثابت تھیسی۔