وزیراعظم محمد نواز شریف آندے مہینے اقوام متحدہ دی جنرل اسمبلی دے سالانہ اجلاس اچ کشمیر دے مسلے کوں ہک دفعہ ولا چیسن، بلیغ الرحمان

اسلام آباد ۔ 18 اگست (اے پی پی) وزیر مملکت داخلہ تے نارکوٹکس کنٹرول بلیغ الرحمان آکھیا ہے جو وزیراعظم محمد نواز شریف آندے مہینے اقوام متحدہ دی جنرل اسمبلی دے سالانہ اجلاس اچ کشمیر دے مسلے کوں ہک دفعہ ولا چیسن ۔ ریڈیو پاکستان نال گالھ مہاڑ کریندے ہوئیں انہاں آکھیا جو پاکستان وڈی سنجیدگی دے نال کشمیر دے مسئلے کوں پوری دنیا اچ اجا گر کریندا پئے ،انہاں آکھیا جو بھارتی فوج نہتے کشمیریاں تے ظلم کریندی پئی ہے تے وزیر اعظم پاکستان دنیا دی توجہ ایندے تے ڈیواونڑ دے نال نال چنگاں کردار ادا کریندے پئے ہن۔وزیر مملکت آکھیا جو آندے مہینے وزیراعظم محمد نواز شریف ہک دفعہ ولا اقوام متحدہ دی جنرل اسمبلی دے سالانہ اجلاس اچ ایں مسئلے کوں اجا گر کریسن ۔