وزیراعظم محمد نواز شریف دا امریکا اچ تھیونڑآلے پاکستان فیسٹیول دے موقعے تے سنیہا

اسلام آباد ۔ 14 اگست (اے پی پی) وزیراعظم محمد نواز شریف ملکی معیشت اچ چنگائی سانگے امریکا اچ راہونڑآلے پاکستانیاں دے کردار دی تعریف کریندے ہوئیں آکھے جو حکومت ترقی اتے خوشحالی دی منزل کوں حاصل کرنڑ سانگے پر عزم ہے ۔ پاکستانی تارکین وطن ملک دے مثبت تشخص کوں اجاگرکرنڑکیتے آپنڑیاں کوششاں جاری رکھن ۔ ملک دے 70ویں یوم آزادی دے موقعے تے امریکا اچ تھیونڑآلے پاکستان فیسٹیول دے موقعے تے آپنڑیں سنیہے اچ وزیراعظم محمد نواز شریف آکھیا جو ایں طرح دے میلے کراونڑ نال نوجوان نسل کوںپاکستان دیاں روایات ،مضبوط ثقافتی ورثہ اتے قوم کیتے ایندے مستقبل کوں محفوظ بنڑاونڑ کیتے چاتے گئے اقدامات نال آگاہی تھیندی ہے ۔ وزیراعظم پاکستان فیسٹیول یو ایس اے دے منتظمین کو ںدلی مبارخ ڈتی اتے آکھیا جو ہر سال ایں دا کامیابی نال کرایا ونجنڑ ہک اعزاز اتے فخر ہے ۔یا د ہووے جو گزریل 30 سال توں تسلسل نال ہر سال اے میلہ منایا ویندا ہے ۔ وزیراعظم آکھیا جو یوم آزادی منیدے ہوئیں گزریل ترائے سال دیاں کامیابیاں تے سارے پاکستانیاں کوں فخر محسوس کرنڑاں چاہیدے ۔ جیندے نال اساڈی معیشت واپس پٹڑی تے آگئی ہے ۔ انہاں آکھیا جو سیاسی عدم استحکام دیاں کوششاں دے باوجود حکومت قوم دی ترقی اتے خوشحالی دے اہداف کوں حاصل کرنڑ سانگے پر عزم ہے ۔ وزیراعظم آکھیا جو تعلیم اتے صحت دے شعبیاں اچ سمندر پار پاکستانیاں دا وڈا اہم کردار ہے اتے اساں ایندی تعریف کریندے ہئیں ۔