وزیراعظم محمد نواز شریف دی واپڈا کوں بجلی دی پیداوار اچ ودھارا،سیلاب روکنڑ سانگے پورے ملک اچ پانڑیں دے ذخیریں دی تعمیر تکھی کرنڑ دی ہدایت

اسلام آباد ۔ 16 اگست (اے پی پی) وزیراعظم محمد نواز شریف واپڈا کوں بجلی دی پیداوار اچ ودھارا اتے سیلاباںکوں روکنڑ سانگے پورے ملک اچ پانڑیں دے ذخیریں دی تعمیر تکھی کرنڑ دی ہدایت کیتی ہے۔وزیراعظم منگل کوں وزیراعظم ہائوس اچ چیئرمین واپڈا ظفر محمود دے نال ملاقات وچ ہدایت کیتی جو متعلقہ ترقیاتی منصوبیاں تے کم کوں تکھا کیتا ونجے اتے پن بجلی دی ودھ پیداوار دے امکاناں کوں گولیاونجے ۔ وزیراعظم آکھیا جو واپڈا کوں ملک وچ پانڑیں اتے پن بجلی دے وسائل دی ترقی سانگے ڈینھ رات کم کرنڑ دی ضرورت ہے۔ انہاں آکھیا جواساں سستی بجلی پیدا کرنڑ دے نال نال آونڑ آلے وقتاں وچ خاص طور شدید پانڑیں دے چیلنج نال نبڑنڑنال پانڑیں دی گھٹکی دے مسئلے کوں پرے کرنڑ دا مقصد رکھیندے ہن ۔ وزیراعظم آکھیا جو سستی اتے صاف ستھری بجلی دی پیداوار نال نہ صرف صارفین کوںسہولت ملسی بلکہ پانڑیں دے ذخائر دی تعمیر نال ملک کوں اپنڑیاں پانڑیںدیاں ضرورتاں پوریاں کرنڑ اچ مدد ملسی۔ ایں موقع تے چیئرمین واپڈا وزیراعظم کوں ملک وچ پن بجلی دے مختلف جاری منصوبیاں تے پیش رفت بارے ڈسایا ۔