اسلام آباد ۔ 17 اگست (اے پی پی) وزیراعظم محمد نواز شریف پاکستان نیوی وار شپ ٹینکر فلیٹ دی افتتاحی تقریب اچ مہمان خصوصی دی حیثیت نال شرکت سانگے (کل) جمعہ کو ںکراچی دا دورہ کریسن۔ اے تقریب کراچی شپ یارڈ اینڈ انجینئرنگ ورکس اچ تھیسی۔ 17 ہزار ٹن وزنی فلیٹ ٹینکر وزارت دفاعی پیداوار اتے پاک بحریہ دے تحت ترکی دے میسرز ایس ٹی ایم دے اشتراک کار نال تعمیر کیتاگیا اے، پاکستان نیوی فلیٹ ٹینکر پاک بحریہ دی لاجسٹک ضروریات پوری کرنڑاچ مدد ملسی۔ وزیراعظم آفس ولوں جاری بیان دے مطابق اے فلیٹ ٹینکر اتے ترکی نال وسیع تر تعاون اتے خود انحصاری دے حوالہ نال پاکستان دیاں کوششاںدی ہک اہم مثال اے۔ ایں شپ دا ڈیزائن ترکی تیار کیتا اے اتے ایکوں کراچی شپ یارڈ اچ پاکستانی ہنرمند افرادی قوت تعمیر کیتااے جو برادر ممالک دے نال سانجھے منصوبیاں دے ذریعے مقامی طور تے صلاحیت گھننڑدا عمدہ امتزاج اے۔ فلیٹ ٹینکر دا ڈیزائن عصری رجحانات تے مبنی اتے نیول شپس دی درجہ بندی کیتے بیورو ویری ٹاس رولز دے مطابق اے۔ بیان دے مطابق پاکستان اتے ترکی آزمودہ دوست ہن، فلیٹ ٹینکر دی تعمیر سویں سانجھے منصوبے نال سانجھے عقیدے، ورثے اتے فیدیاں نال جڑے رشتے ودھ گہرے تھیسن۔ اے اقدام یقیناً مقامی وار شپ دی تعمیر اتے ڈوجھے دفاعی مصنوعات دے شعبیاںاچ پاک ترک تعاون کیتے بئے مواقع پیدا کریسن۔ فلیٹ ٹینکر دی مقررہ مدت نال 2 مہینیاںپہلے تکمیل ترکی دی حکومت اتے عوام ولوں یوم آزادی تقریبات دے موقع تے پاکستانی قوم سانگے ہک سوکھڑی اے۔
