وزیر اعظم محمد نواز شریف سندھ دی بہتری کیتے مکمل تعاون دا یقین ڈیوایا ہے ، وزیر اعلٰی سندھ سید مراد علی شاہ

اسلام آباد ۔ 5 اگست (اے پی پی) وزیر اعلٰی سندھ سید مراد علی شاہ لوکیں دی خدمت کوں آپنڑیں پہلی ترجیح قرارڈیندے ہوئیں آکھے جو صوبے اچ خاص طور تے صحت اتے تعلیم کوں بیا چنگابنڑاونڑ کیتے کوششاں کیتیاں ویسن۔ آئین دے دائرے اچ راہندے ہوئیں وفاقی حکومت نال رل تے کم کرنڑاں چاہندے ہئیں ۔ وزیر اعظم محمد نواز شریف سندھ دی بہتری کیتے مکمل تعاون دا یقین ڈیوایا ہے ۔ رینجرز دا مسئلہ چنگے طریقے حل تھی گئے ۔ جمعے کوں اسلام آباد اچ وزیر اعظم محمد نواز شریف نال ملاقات دے بعد وزیر اعلٰی سندھ سید مراد علی شاہ صحافیاں نال گالھ مہاڑ کریندے ہوئیں آکھیا جو وزیر اعلٰی سندھ دے طور تے میڈی وزیر اعظم نال پہلی ملاقات تھئی ہے جیندے اچ انہان دی صحت بارے پوچھیا ہے اتے صوبیاں کو ں پیش آونڑآلے بئے مسلیاں تے وی گالھ مہاڑ تھئی ہے ۔ انہاں آکھیا جو وزیر اعظم مسلیاں دے حل کیتے آپنڑیں تعاون دا یقین ڈیوایا تے آکھیا جو مضبوط رابطے ہونڑیں چاہیدے ہن ۔ انہاں آکھیا جو سندھ حکومت کو ں بہوں سارے چیلنجز دا سامنڑاں ہے جنہاں دے حل کیتے کوششاں کیتیاں ویندیاں ویسن۔ سید مراد علی شاہ آکھیا جو عوام دی خدمت پہلی ترجیح ہے سندھ اچ امن وامان دی صورت حال کوں بیا چنگاکریسوں ۔ وزیر اعلٰی سندھ آکھیا جو میں وزیر اعلٰی دا عہدہ سنبھالنڑ توں پہلے وی میڈیانال بہوں گھٹ گالھ مہاڑکرینداں ہامی ہنڑ میں نہیں جڈانجو میڈے کم بولیسن اتے میں کوشیش کریساں جو میڈیا نال رابطے اچ راہواں۔ہک سوال دے جواب اچ سید مراد علی شاہ آکھیا جو میں آپنڑیں جماعت دیاں پالیسیاں اتے قیادت دی صلاح اتے رہنمائی دے بعد فیصلے کریساں ۔