سیالکوٹ ۔ 22 اگست (اے پی پی) وزیر اعظم محمد نواز شریف سیالکوٹ،لاہور موٹروے دا مُنڈھ بدھ ڈتا،89کلومیٹر موٹروے تے 45ارب روپے لاگت امسی،چار لین دی سڑک فرنٹیئر ورکس آرگنائزیشن اتے نیشنل ہائی وے اتھارٹی سانجھے طور بنڑیسن جیڑھی جو صوبے دے ڈو وڈے تجارتی مرکزاں کوں ملیسی،منصوبہ ڈو سالیں اچ پورا تھیسی۔ ایف ڈبلیو او دے ڈائریکٹر جنرل میجر جنرل محمد افضل آپنڑی بریفنگ اچ ڈسایا جو ایف ڈبلیو او موٹروے دا مینٹیننس دا کم کریسی اتے وصول کیتے گئے ٹیکساں نال قومی خزانے اچ حصہ پیسی۔انہاں وزیراعظم کوں ڈسایا جو بئے کئی شاہراتی منصوبے ملک دے اہم تجارتی مرکزاں کوں ملیندے پیسے اتے قومی ترقی تے خوشحالی کوں ودھارا ڈیندے پیسے۔موٹروے این فائیو تے لاہور بائی پاس انٹرچینج توں شروع تھیسی جیڑھا جو کالا شاہ کاکو دے نیڑے ایم ٹو کوں وی ملیسی اتے سیالکوٹ دے مغرب اچ تقریباً15کلومیٹر فاصلہ تے مک ویسی۔وزیر اعظم نواز شریف منصوبے دی تختی دی نقاب کشائی کر تے پراجیکٹ دا منڈھ بدھیا۔ایں موقع تے زیر دفاع خواجہ محمد آصف، فرنٹیئر ورکس آرگنائزیشن دے ڈائریکٹر جنرل میجر جنرل افضل وی موجود ہن ۔
