اسلام آباد ۔ 30 اگست (اے پی پی) وفاقی وزیر خزانہ سینیٹر اسحاق ڈار آکھیا جو وفاقی حکومت این ایف سی کوں جلدی اخیری شکل ڈیونڑ چاہندی اے،ایں بارے صوبیاں آپنڑاں کم پورا کر گھدے،آندے مالی سال اچ نویں این ایف سی دے تحت فنڈز ڈتے ویسن۔او منگل کوں اتھاں این ایف سی بارے ہک اجلاس دے بعد وزیر اعلیٰ سندھ مراد علی شاہ دے رلے میڈیا نال گالھ مہاڑ کریندے پئے ہن ۔وفاقی وزیر آکھیا جو اساڈی کوشش اے جو 31دسمبر تئیں این ایف سی کوں اخیری شکل ڈتی ویسی،ایں بارے 5ستمبر کوں لاہور اچ اجلاس تھیسی۔انہاں آکھیا جو اساں آئین دے مطابق اگوں ودھسوں۔صوبیاں آپنڑاں کم پورا کر گھدے،آندے مالی سال نویں این ایف سی دے مطابق صوبیاں کوں فنڈز ملسن۔
