اسلام آباد ۔ 26 اگست (اے پی پی) وفاقی وزیر خزانہ سینیٹر اسحاق ڈاراٹھویں سارک وزراء خزانہ اجلاس دے چیئرمین چنڑ گھدے گئے ۔انہاں دا چنڑائو جمعہ کوں اتھاں سارک وزراء کانفرنس دے اجلاس دے شروع اچ کیتا گئیا۔ایں توں پہلے افتتاحی سیشن تھیا جئیں دے مہمان خصوصی وزیر اعظم محمد نواز شریف ہن ۔اٹھویں سارک وزراء کانفرنس اجلاس دی صدارت سنبھالنڑدے بعد شرکاء نال خطاب کریندیں ہوئیں وفاقی وزیر خزانہ اسحاق ڈار آکھیا جو سارک آپنڑے قیادم دے بعد جنوبی ایشیاء دی عوام دی چنگائی سانگے اقتصادی تے سماجی شعبیاں اچ نشابر پیشرفت کیتی اے۔انہاں آکھیا جو سارک ملکاں وچال اقتصادی تے مالیاتی شعبیاں اچ کئی طریقہ ہائے کار توں مجموعی تعاون کوں ودھارا ڈتا گئے ۔اسحاق ڈار آکھیا جو اٹھویں سارک وزراء کانفرنس خزانہ اجلاس دی سفارشات ایں سال 9توں10نومبر کوں اسلام آباد اچ تھیونڑ آلی سارک سربراہی کانفرنس اجلاس اچ پیش کیتی ویسی۔
