اسلام آباد ۔ 4 اگست (اے پی پی)وفاقی وزیر داخلہ تے انسداد منشیات چوہدری نثار علی خان آکھیا جو سارک وزراء داخلہ کانفرنس ایجنڈے دے اعتبار نال کامیاب رہی اے،ایں فورم کوں ودھاونڑ سانگے ممبر ملکاں کوں ذاتی اتے مخصوص ایجنڈے توں باہر نکلڑاں پمسی ،بھارت ہک ڈوجھے ملک ولوں سارک اجلاس دی روایت توں ہٹ کراہیں سیاسی بیان ڈیونڑ دی کوشش کیتی تاں ڈٹ کراہیں پاکستان دا اصولی موقف پیش کیتے،دہشت گردی دی آڑ اچ آزادی دی تحریکاں کوں دبایا نی ونج سگدا،اوندا حق اقوام متحدہ دی سلامتی کونسل دی قرارداداں اچ ڈتا گئے ،دہشت گردی دے ناں تے سکیورٹی فورسز ولوں عام شہریاں کوں نشانہ بنڑاونڑ غلط اے،دہشت گردی دے پردے اچ نہتے کشمیریاں تے ظلم کوں کیاناں ڈیسن۔پوری دنیا دے ملک خصوصی طور بھارت جیویں ویزہ دے اجراء دا طریقہ کار اپنائے یا کوئی شرطاں لیسی اینویں پاکستان اوں ملک نال وی پاکستان وی اوہوں شرطاں رکھیسی۔او خمیس کوں سارک وزراء داخلہ کانفرنس دے چھیکڑ تے مقامی ہوٹل اچ پریس کانفرنس نال خطاب کریندے پئے ہن ۔انہاں آکھیا جو سارک وزراء داخلہ کانفرنس مجموعی طور خوشگوار ماحول اچ تھی اے،سارک ملکاں دے رکن ملکاں دے نمائندیاں بطور چیئرمین اجلاس میڈے کردار کوں سراہیے،بطور چیئرمین میں اجلاس چلائے جئیں اچ سارے ملکاں ایجنڈے تے آپنڑاں آپنڑاں موقف سامنڑیے رکھیے۔
