راولپنڈی ۔ 16 اگست (اے پی پی) وفاقی وزیر دفاعی پیداوارا رانا تنو یر حسین نال پولینڈ دے نائب وزیر دفاعبارتوز کوانیکا دی قیادت اچ اعلیٰ سطحی وفد ملاقات کیتی جئیں اچ آپسی دلچسپی دے معاملے،دفاعی تعاون ودھاونر اتے بئے معاملیاں تے گالھ مہاڑ کیتی گئی ۔ترجمان دے مطابق بدھ کوں تھیونڑ آلی ملاقات اچ سانجھے تعاون کوں بئیا ودھاونڑ تے کٹھ تھیا۔ڈوہاں ملکاں دفاعی تعاون تے زور ڈتا۔وفاقی وزری دفاعی صلاحیت بارے وی ڈسایا۔انہاں آکھیا جو پاکستان ہک اعلیٰ درجے دی دفاعی صلاحیت دا مالک بنڑ گئے ،اساڈے انجینئر اتے تکنیکی ماہرین جدید ٹیکنالوجی دی مدد نال آپنڑے شعبے اچ ترقی کریندے پئن ۔پولینڈ دے نائب وزیر وفاقی وزیر کوں ڈسایا جو پولینڈ1999ء توں نیٹو دا پورا رکن اے اتے صنعتی بنیاداں تے یورپی ملک اے۔ وفاقی وزیر دفاعی پیداوار رانا تنویر حسین ،دفائی نمائش آئیڈیاز2016ء جیڑھی جو نومبر اچ تھیندی پئی اے اچ شریک تھیونڑ سانگے باقاعدہ پولینڈ دے وفد کوں دعوت ڈتی۔
