وفاقی وزیر پرویز رشید دی کراچی اچ ڈان نیوز ٹی وی چینل دی وین تے فائرنگ دے واقعہ دی مذمت

اسلام آباد ۔ 18 اگست (اے پی پی) وفاقی وزیر اطلاعات، نشریات تے قومی ورثہ سینیٹر پرویز رشید کراچی اچ ڈان نیوز ٹی وی چینل دی وین تے فائرنگ دے واقعہ دی مذمت کیتی اے۔خمیس کوں جاری بیان دے مطابق وفاقی وزیر اطلاعات تے نشریات آکھیا جو ایجھے حملے اظہار رائے دی آزادی تے حملہ دے مترادف ہن اتے حکومت سانگے ناقابل قبول ہن ۔انہاں آکھیا جووفاقی حکومت صوبائی حکومت دے تعاون نال میڈیا نال جڑیے بندیاں دی حفاظت اتے سلامتی کوں یقینی بنڑاونڑ سانگے ہر ممکن اقدامات کریندی پئی اے۔وفاقی وزیر آکھیا جو صوبائی حکومت کوں ایں واقعہ دا نوٹس گھنڑاں چاہیدا اے اتے ذمہ واراں دے خلاف کاروائی کرنڑی چاہیدی اے۔انہاں واقعہ اچ زخمی بندیاں دی جلدی صحت یابی سانگے دعا کیتی۔