وفاقی وزیر کامران مائیکل دی قوم کوں 70ویں یوم آزادی تے مبارخ

اسلام آباد ۔ 14 اگست (اے پی پی) انسانی حقوق دے وفاقی وزیر کامران مائیکل قوم کوں 70ویں یوم آزادی دی مبارخ ڈتی ہے ۔ اتوار کوں آپنڑیں بیان اچ انہاں آکھیا جو ساری قوم ملک دی ترقی کیتے بلا تفریق مذہب، رنگ تے نسل انتھک محنت کریسی۔ انہاں آکھیا جو معاشرے دے متاثرہ طبقات کوں برابر دے حقوق ڈیونڑ ہئی آزادی دی حقیقی خوشی حاصل تھی سگدی ہے ۔ وفاقی وزیر آکھیا جو مسیحی برادری یوم آزادی کوں ” یوم دعا ” دے طور تے منیدی پئی ہے اتے اساکوں معاشرے دے متاثرہ طبقیاں کیتے کم کرنڑاں چاہیدے ۔ انہاں آکھیا جو بابائے قوم دیاں خواہشات دے مطابق ملک کوں فلاحی ریاست بنڑاونڑ اچ کئی وی کثر کائناں چھوڑی ویسی ۔