وفاقی کابینہ دا ستمبر سانگے پٹرولیم دی مصنوعات دی اجوکے نرخ برقرار رکھنڑ دا فیصلہ،وزیر خزانہ اسحاق ڈار دی وفاقی کابینہ دے اجلاس دے بعد میڈیا کوں بریفنگ

اسلام آباد ۔ 31 اگست (اے پی پی)وفاقی وزیر خزانہ سینیٹر اسحاق ڈار آکھیا جو وفاقی کابینہ دا ستمبر سانگے پٹرولیم دی مصنوعات دی اجوکے نرخ برقرار رکھنڑ دا فیصلہ کیتے،ٹیکس دے معاملے اچ آپسی انتظامی معاونت بارے اچ 14ستمبر کوں پیرس اچ او ای سی ڈی دے تحت کثیرالطرفہ کنونشن تے دستخط کرنڑ دے بعد منظوری ڈتی گئی اے۔وفاقی کابینہ 29اگست کوں تھیونڑ آلے اقتصادی رابطہ کمیٹی دے فیصلیاں دی توثیق وی کیتی اے،کابینہ ٹیکس قوانین ترمیمی آرڈیننس 2016 اتے پٹرولیم مصنوعات تے سیلز ٹیکس دے تعین دی وی منظوری ڈتی اے۔او بدھ کوں وفاقی کابینہ دے اجلاس دے بعد میڈیا کوں بریفنگ ڈییندے پئے ہن ۔وفاقی وزیر اطلاعات و نشریات سینیٹر پرویزرشید وی ایں موقع تے موجود ہن ۔