پاکستان اتے انگلینڈ دیاں کرکٹ ٹیماں وچال پہلا ون ڈے (اج)کھیڈیا ویسی سیریز وچ آزمائشی طور تے تھرڈ ایمپائر فرنٹ فٹ نوبالز ڈیسی

ساﺅتھمپٹن ۔ 23 اگست (اے پی پی) پاکستان اتے انگلینڈ دیاں کرکٹ ٹیماں وچال پنچ ون ڈے بین الاقوامی میچاں تے مشتمل سیریز دا پہلا میچ (اج) بدھ کوں ساﺅتھمپٹن وچ کھیڈیا ویسیی، میچ ڈے اینڈ نائٹ ہوسی اتے پاکستان دے معیاری وقت دے مطابق شام چھی وجے شروع تھیسی۔ سیریز وچ آزمائشی طور تے تھرڈ ایمپائر فرنٹ فٹ نوبالز ڈیسی۔ ایں توں پہلے ڈوہائیں ٹیماں وچال کھیڈی گئے چار ٹیسٹ میچاں دی سیریز 2-2 نال برابر رہی ۔ ٹیسٹ سیریز وچ شاندار کارکردگی دے بعد پاکستانی ٹیم آئرلینڈ دے خلاف ون ڈے سیریز 1-0 نال جیتی ہائی اتے گرین شرٹس ہنڑ انگلش ٹیم دے چیلنج نال نبڑن سانگے تیار ہے۔ پاک انگلینڈ ٹیماں وچال ون ڈے سیریز دا پہلا میچ اج ساﺅتھمپٹن وچ کھیڈیا ویسی، ایندے بعد ڈوہائیں ٹیماں وچال سیریز دا ڈوجھا میچ 27 اگست لارڈز، لندن وچ کھیڈیا ویسی، تریجھا میچ 30 اگست کوں نوٹنگھم وچ کھیڈیا ویسی، چوتھا میچ 01 ستمبر کوں لیڈز وچ کھیڈیا ویسی جڈانجوپنجواں اتے چھیکڑی میچ 4 ستمبر کوں کارڈف وچ کھیڈیا ویسی، ایندے بعد ڈوہائیں ٹیماں وچال واحد ٹی ٹونٹی میچ 7 ستمبر کوں مانچسٹر وچ کھیڈیا ویسی۔