اسلام آباد ۔ 26 اگست (اے پی پی)پاکستان اتے قزاخستان ڈو پاسہ تعلقات کوں پارٹنر شپ اچ بدلنڑ تے کٹھ کر گھدا۔اے کٹھ جمعہ کوں وزیر اعظم دے معاون خصوصی برائے خارجہ امور طارق فاطمی دی آستانہ اچ قزاخستان دے وزیر خارجہ ارلان ادریسوف اتے نائب وزیر خارجہ یرژان عاشق بائیوف نال ملاقات اچ طے پاتا گئیا۔دفتر خارجہ دے ترجمان دے مطابق معاون خصوصی طارق فاطمی نیوکلیئر سپلائرز گروپ دی رکنیت تے دوست ملکان دی حمایت گھنڑ سانگے جمعہ کوں قزخستا ن گئے ہن ۔ طارق فاطمی ‘قزاخستان دے وزیر خارجہ اتے نائب وزیر خارجہ نال گالھ مہاڑ کریندیں ہوئیں آکھیا جو پاکستان اتے وزاخستان وچال نیڑے دے تعلقات ہن جیڑھے جو تاریخی ،ثقافت اتے روایت اتے اقدار دے سانجھے رشتیاں اچ جڑیے ہوئیے ہن ۔طارق فاطمی این ایس جی دی رکنیت سانگے قزاخستان دی حمایت دا اظہار کیتا۔انہاں پاکستان دے نکتہ نظر کوں اجاگر کریندیں ہوئیں آکھیا جو رکنیت سانگے مساوی سلوک اتے غیر امتیازی معیار دے اصولاں تے عملدرآمد دی لوڑھ اے۔انہاں آکھیا جو پاکستان دا ایکسپورٹ کنٹرول نظام این ایس جی ،ایم ٹی آر سی اتے آسٹریلیا گروپ نال پوری ہم آہنگی اتے مطابقت رکھیندے ۔
