اسلام آباد ۔ 18 اگست (اے پی پی) دفتر خارجہ دے ترجمان اقوام متحدہ دے ہائی کمشنر برائے انسانی حقوق ولوں فیکٹ فائنڈنگ مشنز بھیجنڑ دی پیشکش تے تبصرہ کریندیں ہوئیں آکھیا جو پاکستان اقوام متحدہ دی کہیں وی ٹیم دا آزادجموں تے کشمیر بھیجنڑ دا خیر مقدم کریندے جڈانجو بھارتی مقبوضہ کشمیر اچ ڈینھ بہ ڈینھ ودھدی ہوئی انسانی حقوق دی خلاف ورزیاں دا آزاد جموں تے کشمیر اچ صورتحال نال موازنہ کہیں صورت قبول کائنی،مقبوضہ کشمیر اچ المناک حقیقت اتے آزاد کشمیر اچ پر امن صورتحال وچال فرق بہوں واضح اے ایں سانگے یو این فیکٹ فائنڈنگ مشن دا بھارتی مقبوضہ کشمیر دا دورہ بہوں ضروری اے۔خمیس کوں ترجمان آپنڑے ہک بیان اچ آکھیا جو جینویں جو یو این ہائی کمشنر دے علم اچ اے،آزاد جموں تے کشمیر ہک کھلا علاقہ اے اتے اقوام متحدہ دے نمائندے سمیت غیر ملکی سیاح اتے پاکستان اچ سفارتی کمیونٹی ممبر اکثر امدے ویندے رہندن اتے اجوکے انتخابات دا جائزہ گھدا اتے مکاتب فکر دے لوکاں نال ملاقاتاں کیتیاں ۔
