اسلام آباد ۔ 22 اگست (اے پی پی) امریکی ادارہ بین الاقوامی ترقی ( یو ایس ایڈ) دی ابتدائی رپورٹ دے مطابق پاکستان اچ شیل گیس دے 95 ٹریلین کیوبک فٹ ذخیرے موجود ہن جڈاں جو شیل آئل دے ذخیرے دا اندازہ 14ارب بیرل ہے ۔رپورٹ دے مطابق ملک اچ تیل تے گیس دے ذخیرے دے حوالے نال یو ایس ایڈ سال 2014اچ شیل گیس تے ذخیریں دی گول دا کم شروع کیتا تے پہلی سٹڈی رپورٹ دے مطابق ملک اچ تیل تے گیس تے ودھ سارے ذخیریں دا انکشاف تھیا ہے ۔تاں جو ابتدائی سٹڈی دے دوران سندھ ‘ بلوچستان تے خیبر پختونخوا دے کجھ علاقیاں اچ ریسرچ نی کیتی گی لیکن ذخیرے دی گول دے ڈوجھے مرحلے اچ انہاں علاقیاں اچ یو ایس ایڈ دی معاونت نال ریسرچ دا کم کیتا ویسی ،توقع ہے جو ایں ملک اچ شیل تیل تے گیس دی مزید ذخیریں دا پتہ لگ ویسی ۔
