اسلام آباد ۔ 3 اگست (اے پی پی) وفاقی وزیر امور کشمیر تے گلگت بلتستان چوہدری برجیس طاہر آکھیا اے جو پاکستان دی 20کروڑ عوام دے دل کشمیریاں دے دلاں دے نال دھڑکدے ہن ، پاکستان مسئلہ کشمیر تے کوئی سمجھوتہ کائناں کریسی۔ کراچی آپریشن دی وجہ نال سندھ دے حالات پہلے توں چنگے تھئے ہن ۔ بدھ کوں پارلیمنٹ ہائوس دے باہروں میڈیا نال گالھ مہاڑ کریندے ہوئیں انہاں آکھیا جو کشمیر پوری قوم دا مسئلہ ہے، بھارتی وزیر داخلہ دی آمد نال مسئلہ کشمیر تے فرق نی پوندا پاکستان مسئلہ کشمیر تے کوئی وی سمجھوتہ کائناں کریسی۔ انہاں آکھیا جو پاکستان ہر فورم تے کشمیریاں دی سفارتی اتے اخلاقی حمایت کوں جاری رکھیسی۔ ہک سوال دے جواب وچ انہاں آکھیا جو کراچی آپریشن نال پورے سندھ اتے بالخصوص کراچی دے حالات پہلے توں بہوں چنگے تھئے ہن۔سندھ دے حالات کوں بیا چنگا بناونڑ سانگے رینجرز دے اختیارات کوں پورے سندھ تائیں ودھاونڑ دی ضرورت ہے ۔
