اسلام آباد ۔ 2 اگست (اے پی پی) صدر مملکت ممنون حسین کو ںپاکستان اچ تعینات ترائے ملکاں دے سفیراں منگل کوں ایوان صدر اچ ہک پروقار تقریب اچ آپنڑی سفارتی سنداں پیش کیتی۔سنداں پیش کرنڑ آلیاں اچ ڈنمارک،ملاوی اتے سلوواک دے سفیر شامل ہن ۔ایں توں پہلے ہر ملک دے نامزد سفیر کوں انج انج بگی تے ایوان صدر دے مرکزی دروازے تے آندا گئیا اتے انہاں کوں گارڈ آف آنر پیش کیتا گئیا،۔اوندے بعد سفیراں انج انج صدر مملکت نال ملاقات کیتی۔ایں موقع تے صدر مملکت آکھیا جو پاکستان سارے ملکاں نال دوستانہ اتے برادرانہ تعلقات چاہندے،خصوصی طور خطے اچ امن تے ترقی سانگے ہمسایہ ملکاں نال دوستانہ تعلقات بہوں اہم ہن ۔ایں موقع تے متعلقہ ملک دا اتے پاکستان دا قومی ترانہ پیش کیتا گئیا۔سنداں پیش کرنڑ آلیاں اچ ڈنمارک دے سفیر اولے تھونکی، ملاوی دے سفیر ولفرڈ علی اتے جمہوریہ سلوواک دے سفیر لوبامیر گولیں شامل ہن۔
