پاکستان ولوں چنگیاںسفارتی کوششاں نال بھارت نیوکلیئر سپلائر گروپ اچ شامل کائنی تھی سگیا’ پاکستان ایں سلسلے اچ سر جھکا نہ کریسی وزارت خارجہ ولوں قومی اسمبلی اچ جواب

اسلام آباد ۔ 03 اگست(اے پی پی) وزارت خارجہ ولوں قومی اسمبلی کو ں ڈسایا گیا جو پاکستان ولوں سفارتی کوششاں نال بھارت نیو کلیئر سپلائر گروپ اچ شامل کائنی تھی سگیا ۔پاکستان ایں سلسلے اچ سر جھکا نہ کریسی ۔بدھ کوں قومی اسمبلی اچ سوالاں دے وقفے دے دوران ساجدہ بیگم دے سوال دے جواب اچ وزارت خارجہ ولوں وفاقی وزیر عبدالقادر بلوچ ایوان کوں ڈسایا جو نیو کلیئر سپلائر گروپ اچ شمولیت سانگے وزیراعظم ،مشیر خارجہ’ معاون خصوصی خارجہ امور تے مختلف ملکاں اچ پاکستان دے سفیراں ایں حوالے نال لابنگ کیتی ہے ۔ایں وجہ توں پاکستان بھارت دی شمولیت دیاں درخواستاں تے پیش رفت فی الحال روک ڈتی ہے ،اے درست ہے جو امریکہ دا جھائو بھارت دے پاسے ہے تے انہاں موقف ہے جو اے پاکستان دی قیمت تے نی انہاں دے اپنڑے علاقائی مفادات ہن ،اے گالھیں عام ہن جو پاکستان این ایس جی دا ممبر نہ بنڑ سگسی جڈاں جو بھارت ایندا ممبر بنڑ ویسی تاں جو انہاں قیاس آرائیاں اچ کوئی حقیقت کائنی ،انہاں آکھیا جو بھارت ایندی ممبر لسٹ ا چ کامیاب نی تھی سگیا ۔انہاں آکھیا جو پاکستان ہک آزاد ملک ہے ،اساں سر جھکا کرنڑ آلے کائنی ،پاکستان وزارت خارجہ تے حکومت چوکس ہن ۔اے سوکھا کائنی جو بھارت کوں آندے اجلاس اچ این ایس جی ممبر شپ مل ویسی ۔