اسلام آباد ۔ 4 اگست (اے پی پی)دفتر خارجہ دے ترجمان نفیس زکریاآکھیا ہے جو پاکستان پڑوسی ملکاں دے نال سارے مسلیں کوں پر امن طریقے نال حل کرنڑ چاہندے ۔ریڈیو پاکستان اچ گالھ مہاڑ کریندے ہوئیں انھاں آکھیا جو پاکستان تے بھارت وچال ساریں توں وڈا مسئلہ کشمیر ہے اتے اینکوں وختی حل تھیونڑاں چاہیدا ہے ۔انھاں آکھیا جو اقوام متحدہ دی سیکورٹی کونسل دیاں قرارداداں دے مطابق کشمیر کشمیریاں دا پیدائشی حق ہے تے حق خود ارادیت ڈیونڑاں چاہیدے ۔چین پاکستان اقتصادی راہداری منصوبہ بہترین خارجہ پالیسی ہے ،انہاں آکھیا جو پاک چین اقتصادی راہداری دی تکمیل نال پاکستان سمیت خطے دے بئے اچ وی ترقی دے نویں رستے کھل ویسن ۔
