اسلام آباد ۔ 4 اگست (اے پی پی) وزیراعظم محمد نواز شریف آکھے جو پاکستان کوں اج حق تے محفوظ تر تے مستحکم پاکستان دے طورتے ڈیٹھا ویند اپئے جڈانجو پاکستانی قوم آپنڑیاں ودھ ساریاں صلاحیتاں کوں استعمال اچ گھن آندے ہوئیں ساری دنیا اچ اوچا مقام حاصل کرنڑ دی راہ تے ٹُردی پئی ہے ۔ انہاں اے گالھ یوم شہداء پولیس دے موقعے تے آپنڑیں سنیہے اچ آکھی ۔ وزیراعظم آکھیا جو دہشتگردی دے خلاف جنگ اساڈ ا ہک پکا قومی عزم ہے جیہڑا جو آپنڑیں ماء دھرتی اچوں دہشتگردی اتے انتہاپسندی دی لعنت کوں منڈھ توں پٹنڑ تئیں جاری راہسی ۔ انہاں آکھیا جو اساڈے بہادر قنون نافذ کرنڑآلے اداریاں ایں جاری جنگ اچ ودھ ساریاں قربانیاںڈتیاں ہن ۔ وزیراعظم یوم شہداء پولیس دے موقعے تے شہید تھیونڑآلے پولیس اہلکاراں کوں انہاں دی جرات اتے بہادری تے زبردست خراج تحسین پیش کیتے ۔ انہاں آکھیا جو اے نابھلاونڑآلیاں قربانیاں اساڈیاں آندیاں نسلاں کیتے بلاشبہ پرامن پاکستان دی ضامن ہن ۔ پوری قوم شہیداں اتے انہاں دے ٹبرا ں کوں سلام کریندی ہے جیہڑے جو اساں ساریاں تے فخر اتے وقار دی وجہ ہن ۔ انہاں آکھیا جو اے ڈینھ اساں کوںآپنڑیاں انہاں ہیروز دیاں قابل قدر قربانیاں دی یادڈیویندا ہے جنہاں آپ دے خون نال جرات اتے قربانی دی روشن تریخ لکھی ہے ۔
