اسلام آباد ۔ 12 اگست (اے پی پی) پاک فوج اتے انٹیلی جنس اداریاں دا گوجر خان اتے کلر سیداں اچ سانجھے کومبنگ آپریشن،2کمانڈر سمیت 6دہشت گرداں کوں حراست اچ گھن کراہیں دھماکہ خیز مواد برآمد کر گھدا گئیے۔پاک فوج دے شعبہ تعلقات عامہ (آئی ایس پی آر) دے مطابق خمیس اتے جمعہ دی وچلی رات گوجر خان تے کلر سیداں دے علاقیاں اچ پاک فوج اتے قانون نافذ کرنڑ آلے ادارے کومبنگ آپریشن کیتا۔انہاں دہشت گرداں دے ٹھکانڑیاں تو ں بارودی سرنگاں،تیاری دا سامن اتے دھماکہ خیز مواد برآمد کیتا گئے ۔آرمی چیف جنرل راحیل شریف دی ہدایت تے پاک فوج اتے قانون نافذ کرنڑ آلے ادارے ملک اچ دہشت گرداں اتے سلیپرز سیل کوں ختم کرنڑ سانگے کومبنگ آپریشن کریندے پئن ۔
