پہلے ڈو سالاں دے دوران وژ ن 2025 ءدے مطلوبہ اہداف حاصل وژن 2025ءدے تحت ملکی برآمدات کوں 150 ارب ڈالر تئیں ودھایا ویسی ، وزےر اعظم محمد نواز شرےف 11 اگست کوں10سالاں دا پلان قوم دے سامنڑے پےش کرےسن ، پاکستان ابھردی ہوئی معےشت ہے ، پوری دنےا دے سرماےہ کار پاکستان دا رخ کریندے پن وزارت منصوبہ بندی تے ترقیات

اسلام آباد ۔ 4 اگست (اے پی پی) پہلے ڈو سالاں دے دوران وژ ن 2025 ءدے مطلوبہ اہداف حاصل کرگھدے گئے ہن ، وژن 2025ءدے تحت ملکی برآمدات کوں 150 ارب ڈالر تئیں ودھایا ویسی، وزےر اعظم محمد نواز شرےف 11 اگست کوں 10 سالاں دے پلان قوم دے سامنڑے پےش کرےسن ، پاکستان ہک ابھردی ہوئی معےشت ہے اتے پوری دنےا دے سرماےہ کار پاکستان دا رخ کریندے پن۔ خمیس کوں اتھاں وزارت منصوبہ بندی تے ترقیات دے ذرائع اے پی پی کوں ڈسایا جو وژن 2025ءپورے ملک وچ وسنڑ آلے لوکاں سانگے زندگی دے ہک اعلیٰ معیار دی فراہمی اتے پاکستان کوں عالمی سطح تے مسابقتی اتے خوشحال ملک بناونڑ سانگے ہے۔ وژن 2025ءصنعت اتے علم دی بنیاد تے پاکستان کوں تبدیل کرنڑ دی ہک کوشش ہے اتے ایں ضمن وچ حکومت ملک وچ توانائی دے بحران کوں مکاونڑ اتے انفراسٹرکچر کو ںجدید تقاضیاں مطابق بناوڑ سانگے اقدامات کریسی۔ مقامی وسائل کوں فروغ ڈیونڑ، ادارہ جاتی اصلاحات اتے گڈ گورننس، اجناس پیدا کرنڑ آلے شعبیاں دی بحالی، برآمدات وچ ودھارا اتے نجی شعبے دی ترقی سانگے اقدامات اتے معیشت دی ترقی سانگے سماجی سرمائے کوں بروئے کار گھن آونڑ سانگے منصوبہ بندی وی ایندا حصہ ہے۔ ذرائع ڈسایا جو حکومت ماضی آلی کارمنصوبہ بندی کائناں کریسی بلکہ ایجھے اقدامات کر یندی پئی ہے جنہاں نال ایں گالھ کوں یقینی بنڑایا ویسی جو منصوبے کوں ساریاں حکومتاں منطقی انجام تئیں پجاونڑ۔ انہاںڈسایا جو پاکستان دے مسائل کوں موثر اتے مربوط منصوبہ بندی دے ذریعے حل کیتا ونج جاسگدے اتے ایں حوالے نال حکومت نجی شعبہ، تحقیقی اداریاں، حکومتی مشینری دے اشتراک نال سارے بحراناں تے قابو کرنڑ سانگے ترجیحی بنیاداں تے اقدامات کر یندی پئی ہے۔ انہاں ڈسایا جو حکومت موثر منصوبہ بندی دے نال نال نگرانی اتے عمل داری کوں وی یقینی بنڑیندی پئی ہے۔ انہاں ڈسایا جو پاکستانی معیشت وچ چنگائی سانگے توانائی دے بحران کوں حل کرنڑ ناگزیر ہے اتے نجی شعبے دے ذریعے سرمایہ کاری کوں فروغ ڈیونڑ حکومت دی اولین ترجیح ہے۔ انہاں ڈسایا جو وژن 2025ءدے تحت سکول ونجنڑ آلے بالاں اتے بالڑیاں وچال فرق کوں مکاونڑ سانگے حکومت کوشاں ہے اتے آوندے پنج سالاں وچ ایں فرق وچ 50 فیصد تئیں گھٹکی لاتی ویسی، 2025ءتئیں ہر بال یا بالڑی تعلیم دے زیور نال آراستہ ہوسی۔ انہاں ڈسایا جو حکومت قومی وسائل کو ںعوام دی فلاح تے بہبود اتے ملکی ترقی سانگے بروئے کار گھن آونڑ سانگے حقیقت پسندانہ حکمت عملی اختیار کر یندی پئی ہے جیندے ثمرات تکھے سامنڑے آونڑ شروع تھی گئے ہن۔