اسلام آباد ۔ 9 اگست (اے پی پی) وفاقی وزیر قومی صحت سائرہ افضل تارڑ دا آکھنڑ ہے جوپی ٹی آئی کشمیر توں کراچی تئیں ہر الیکشن اچ ہردی ہے ، دھاندلی دی رٹ لاونڑ پی ٹی آئی دا وطیرہ بنڑ گیا ہے،دھرنے تے احتجا ج ملکی ترقی اچ رکاوٹ ہن ،منگل کوں جاری بیان اچ انہاں آکھیا جو عمران خان تے پی ٹی آئی جیرھا کجھ کریندے پن کوئی محب وطن اینویں دی سیاست نی کریندا ،عوام انہاں دے دھرنیں توں تنگ تھی گے ہن ،لوکاں کوں احتجاجی ریلیاں دی بجائے ملکی ترقی عزیز ہے ،وزیر اعظم نواز شریف ہر لمحہ کوششاں کریندے پن جو ملک اچ ترقی ہووے ،معاشی حالات مستحکم تھیون اتے امن ہووے ،نواز شریف دی قیادت اچ ملک دی معیشت دا پھیتہ مضبوط تھی تے چلدا پے ،ملکی حالات چنگائی دے پاسے ویندے پن ۔
