بیجنگ ۔ 17 اگست (اے پی پی) چین وچ شیشے نال بنڑن آلا دنیا دا لمبا اتے اچا ترین پل 20اگست کوں سیاحواں سانگے کھول ڈتا ویسی۔ میڈیا رپورٹس دے مطابق شیشے دا 430 میٹر لمبا پل چین دے صوبے ہنان وچ بنڑایا گئے جیندی چوڑائی 6 میٹر ہے اتے ا یہ زمین توں 300 میٹر اچاہے۔ منیجمنٹ کمیٹی دے جاری بیان دے مطابق شیشے دے پل ڈیزائن اتے کنسٹرکشن سمیت 10 عالمی ریکارڈ اپنڑے ناں کیتے ہن جڈانجو پل دا تعمیراتی کم گزریل سال دسمبر وچ مکمل کیتا گیا۔ رپورٹ دے مطابق روزانہ 8 ہزار سیاحواں کوں پل دا وزٹ کرنڑ دی اجازت ڈتی ویسی۔
