کوئٹہ بم دھماکے اچ بھارتی خفیہ ایجنسی ” را“ملوث ہے ،حملے دی پہلے توں منصوبہ بندی کیتی گی ہئی ،دہشت گرداں کوںکھڈ اچوںکڈھ تے چھیکڑی انجام تئیں پجا ڈیسوں ،سی پیک تے ڈوجھے معاملات دی وجہ توں حالات کوں خرابی دے پاسے گھن ونجنڑ دیاں سازشاں جاری ہن ،اساڈے حوصلے اچے ہن ، وزیراعلیٰ بلوچستان نواب ثناءاللہ خان زہری دی میڈیا نال گالھ مہاڑ

کوئٹہ۔08 اگست (اے پی پی) وزیراعلیٰ بلوچستان نواب ثناءاللہ خان زہری آکھیا ہے جو کوئٹہ بم دھماکے اچ بھارتی خفیہ ایجنسی ” را“ملوث ہےحملے دی پہلے توں منصوبہ بندی کیتی گی ہئی ،دہشت گرداں کوںکھڈ اچوںکڈھ تے چھیکڑی انجام تئیں پجا ڈیسوں،سنوار کوں اتھاں میڈیا نال گالھ مہاڑ کریندے ہوئیں نواب ثنا ءاللہ زہری آکھیا جو واقعے دے بعد سول ہسپتال کوئٹہ ،بی ایم سی او سی ایم ایچ سمیت سارے سرکاری ہسپتالاں اچ ایمرجنسی لاڈتی گی ہے تے زخمیاں کوں چنگے علاج دیاں ہدایات جاری کیتیاں گیاں ہن جڈاں جو پورے شہر اچ سیکورٹی دے اقدامات کوں مزید سخت کر ڈتا گیا ہے ، مجموعی طورتے حالات قابو اچ ہن ۔وزیراعلیٰ بلوچستان آکھیا جونہتے وکیل تے ہسپتال کوں ہدف بنڑاونڑ ایں گالھ دی دلیل ہے جو دہشت گرد چھیکڑی ساہ گھندے پے ہن ،ایں ویلھے سی پیک تے ڈوجھے معالات ڈھگ ہن جیں دی وجہ توں حالات کوں خراب کرنڑ دیاں سازشاں تھیندیاں پیاں ہن اساڈے حوصلے اچے ہن اتے دہشت گرداں دا پیچھا کریندے ہوئیں انہاں کوں چھیکڑی انجام تئیں پجا ڈیسوں ،ابتدائی اطلاع دے مطابق دھماکہ خود کش ہا ،قنون لاونڑ آلے ادارے واقعے دی تحقیقات کریندے پے ہن تے وختی انہاں دے حقائق سامنڑے آویسن ،وزیراعلیٰ آکھیا جو بم دھماکے دے بعد بلوچستان دی حکومت دا اعلیٰ سطح دا اجلاس سڈیا گیا ہے