اسلام آباد ۔ 11 اگست (اے پی پی)دفتر خارجہ دے ترجمان آکھیا جو جو کوئٹہ دہشت گرد حملیاں اچ غیر ملکی ہتھ خارج از امکان کائنی،بھارتی خفیہ ایجنسیاں پاکستان اچ خصوصی طور بلوچستان اتے کراچی اچ تخریبی سرگرمیاں اچ ملوث رہین۔بلوچستان اچ گرفتار بھارت ایجنٹ دے اعترافی بیانات ایں دا واضح ثبوت ہن ۔افغان حکام ہیلی کاپٹر عملے دی بحفاظت بازیابی سانگے ہر ممکن کوشش کرنڑ دی یقین ڈوائے ۔اے گالھیں دفتر خارجہ دے ترجمان محمد نفیس ذکریا خمیس کوں ہفتہ وار پریس بریفنگ اچ صحافیاں دے سوالاں دا جواب ڈیندیں ہوئیں آکھیا۔کوئٹہ دہشت گردحملے بارے سوال دا جواب ڈیندیں ہوئیں ترجمان آکھیا جو حملے اچ باہرلے عناصر ملوث ہوونڑ کوں رد نی کیتا ونج سگدا۔مقبوضہ کشمیر اچ انسانی حقوق دی خلاف ورزیاں تے تشویش کریندیں ہوئیں ترجمان عالمی برادری توں مطالبہ کیتا جو او بھارتی بے گناہ کشمیریاں تے بھارتی مظالم دے خلاف آوازچاون ۔انہاں آکھیا جو پاکستان اعلیٰ سطح تے بھارتی مظالم دی مذمت کیتی اے اتے یو ان ہیومین رائٹس کمیشن توں مقبوضہ کشمیر فیکٹ فائنڈگ مشن بھیجنڑ دا فیصلہ کیتے۔
