کولیشن سپورٹ فنڈ پروگرام دے تحت امداد روکنڑ امریکہ دے حق اچ اچنگاں کائناں ہوسی،وفاقی وزیر ریاستاں تے سرحدی امور عبدالقادر بلوچ دی میڈیا نال گالھ مہاڑ

اسلام آباد ۔ 5 اگست (اے پی پی) وفاقی وزیر ریاستاں تے سرحدی امور عبدالقادر بلوچ آکھیا ہے جو پاکستان سانگے کولیشن سپورٹ فنڈ پروگرام دے تحت امداد روکنڑ امریکہ دے حق اچ چنگاں کائناں ہوسی ، سی پیک دے تحت 46ارب ڈالردی سرمایہ کاری نال ملک اچ روزگاردے موقع ودھ ویسن اتے معیشت ترقی کریسی۔ جمعہ کوں پارلیمنٹ ہاﺅس دے باہرمیڈیانال گالھ مہاڑ رکریندے ہوئیں انہاں آکھیا جو پاکستان دہشت گردی دے خلاف جنگ اچ امریکہ دا اتحادی ہے ،اساڈی زمین کہیں ملک دے خلاف استعمال کائنی تھیندی پئی بلکہ دہشت گردی دے خاتمے سانگے اپریشن ضرب عضب اچ وڈیاں کامیابیاں حاصل تھیاں ہن ۔