اسلام آباد ۔ یکم اگست (اے پی پی) گزریل مالی سال 2015-16 ءدے دوران غیر ملکی کمپنیاں/ سرمایہ کاراں ولوں اپنڑے ملکاں کوں بھیجے گئے منافع جات دی شرح وچ 16.8 فیصد دا ودھارا تھیا ہے۔ سٹیٹ بینک آف پاکستان دے اعدادوشمار مطابق گزریل مالی سال دے دوران غیر ملکی کمپنیاں ولوں 1.912 ارب ڈالر دے منافع جات اپنڑے اپنڑے ملکاں کوں بھیجے گئے ہن جڈانجو مالی سال 2014-15ءدے دوران غیرملکی کمپنیاں/ سرمایہ کاراں ولوں 1.637 ارب ڈالر دے منافع جات منتقل کیتے گئے ہن۔ رپورٹ دے مطابق جون 2016 دے دوران غیر ملکی سرمایہ کاراں 96.1 ملین ڈالر دے منافع جات دی اپنڑے ملکاں کوں منتقلی کیتی ہے۔ اقتصادی تجزیہ کاراں آکھیا اے جو غیر ملکی کمپنیاں کوں پاکستان وچ سرمایہ کاری کوں چنگامنافع حاصل تھیندا پئے اتے گزریل مالی سال دے دوران منافع جات دی منتقلی وچ ودھارا ایندی عکاسی کریندا ہے۔ انہاں آکھیا جو امن وامان دی صورتحال وچ چنگائی نال مقامی تے غیر مقامی سرمایہ کاراں دے اعتماد وچ ودھارا تھئے اتے گزریل کجھ سالاں دے دوران ملک وچ اقتصادی سرگرمیاں کوں فروغ حاصل تھئے ۔ا یہاوجہ ہے جو چنگے کاروباری ماحول دے نتیجے وچ غیر ملکی کمپنیاں ولوں اپنڑے ملاکں کوں منتقل کیتے گئے منافع جات دی شرح وچ 16 فیصد توں ودھ دا چنگا ودھارا تھیا ہے۔
