اسلام آباد ۔ 31 اگست (اے پی پی) گزریل کجھ سالیں دے دوران قربانی دے زناوراں دی آن لائن (ای شاپ) خریداری دی شرح وش ودھارا تھیا ہے کیونجو ایندے نال عوام کوں زناور خریدنڑ وچ آسانی راہندی ہے اتے ا وہ اپنڑی پسند دا زناور گھر بیٹھے خرید سگدے ہن اتے آن لائن خریداری دی سہولت نال خریداراں کوں منڈی ونج تے زناور پسند کرنڑ ‘ ریٹ مکاونڑ وپاریاں وغیرہ دے جھنجھٹ توں چھٹکارہ ملدا ہے۔ آن لائن شاپنگ دے شعبے دے معروف تجزیہ کار این ایچ زبیری اپنڑی رپورٹ وچ آکھیا اے جو آن لائن ویب سائٹس تے قربانی دے زناراں دی فوٹواں ‘ ویڈیو سمیت انہاں دی قیمت اتے تفصیلات فراہم کرڈتیاں ویندیاں ہن جیندے نال لوکاں کوں زناور خریدنڑ وچ آسانی راہندی ہے اتے انہاں دے قیمتی وقت دی بچت ہوندی ہے۔ انہاں آکھیا جو زناوراں دی خریداری دے حوالے نال آن لائن تفصیلات وچ زناوراں بارے وچ ساریاں معلومات فراہم کیتیاں ویندیاں ہن ۔ انہاں توقع ظاہر کیتی جو آوندے کجھ سالیں دے دوران قربانی دے زناوراں دی خریداری ‘ قصائیاں دی بکنگ اتے گوشت ونڈنڑ دی آن لائن خریدنڑدی شرح وچ ہور ودھار امتوقع ہے جیندے لوکاں دی سہولتاں وچ ودھاراہوسی۔
