اسلام آباد ۔ 15 اگست (اے پی پی)گڈو اتے سکھر بیراج توں اجوکے سال ساونڑ دا پہلا سیلابی ریل اچ لنگھسی۔نجی ٹیلی وژن سیلاب دی اطلاع ڈیونڑ ولے مرکز دے حوالے نال ڈسایا ہے جو اتلے علاقیاں اچ مسلسل مینھ وسنڑ پاروں دریاواں اچ پانڑیں دی سطح اچی تھیندی پئی ہے جیں دی وجہ توں کئی جہیں تے سیلابی صورت حال پیدا تھی گی ہے ۔سیلاب دی طلاع ڈیونڑ آلے مرکز دے سربراہ دے مطابق سندھ دریا اچ درمیانے درجے دا سیلاب ہے تے اجوکے سال ساریں توں وڈا سیلابی ریلہ اج کہیں ویلھے گڈو بیراج توں لنگھسی ،انہاں آکھیا جو گڈو تے سکھر بیراج تے پانڑیں دی سطح اچی تھیندی پئی ہے ۔
