راولپنڈی۔ 5 اگست (اے پی پی) چیف آف آرمی سٹاف جنرل راحیل شریف افغان صدر اشرف غنی کوں حکومت پنجاب دے کریشن لینڈنگ کرنڑآلے ہیلی کاپٹر اتے عملے دی بازیابی کیتے ٹیلی فون کیتا ‘افغان صدر اشرف غنی حکومت پنجاب دے کریشن لینڈنگ کرنڑآلے ہیلی کاپٹر اتے عملے دی تکھے اتے بحفاظت بازیابی دا یقین ڈیوایا ہے ۔ پاک فوج دے شعبہ تعلقات عامہ(آئی ایس پی آر) دے ڈائریکٹر جنرل لیفیٹننٹ جنرل عاصم سلیم باجوہ دے ٹوئیٹ پیغام دے مطابق جمعے کوں آرمی چیف جنرل راحیل شریف افغان صدر اشرف غنی کوں ایں معاملے بارے ٹیلی فون کیتا۔ جیندے تے افغان صدر اشرف غنی یقین ڈیوایا جو حکومت پنجاب دے کریشن لینڈنگ کرنڑآلے ہیلی کاپٹر اتے عملے دی تکھے اتے بحفاظت بازیابی کیتے افغان حکومت ہر ممکن مدد کریسی ۔
